Upload
Failları buraya atın
- Sənədlər
Qazan – IMIC şirkəti tərəfindən təsis olunmuş innovativ layihələr üçün biznes inkubatorudur. Bizim məqsədimiz ideya və ya gənc sahibkarların öz istəklərinə qısa müddətdə müvəffəq olmaqda və toxum kapitalının əldə edilməsində yardım etməkdir. Biznes qurmaq üçün ilk növbədə sizin ideyanız olmalıdır. İdeya dedikdə insan beynində formalaşan hər hansı fikir nəzərdə tutulmur. Bu ideya sizdə işləmək həvəsi yaratmalı və sizi öz ardınca apara bilməlidir. “Qazan” gənc sahibkarlara qarşıya qoyulan hədəflərə çatmaq üçün inkubasiya, akselerasiya və maliyyələşdirmə həlləri ilə təmin edərək, 500 000 AZN-dək investisiya qazanmaq şansı yaradır. Qazan layihəsi, startap inkubator, akselerator və digər hibrid modellərin məcmusudur.
Birinci il, maliyyə mənbəyi və dəstəyin məhdud olması səbəbindən ideyanı biznesə çevirmək çətindir. Hal-hazırda sizin sahib olduğunuz yalnız sizsiniz(və həmtəsisçi) və sizin möhtəşəm nəaliyyətlər əldə edə bilməyinizə inamınızdır. Startaplar QAZAN layihəsi çərçivəsində IMIC ilə birlikdə çalışmaq imkanı əldə edəcəklər. Layihənin əsas məqsədi “Qazan”-a müraciət edən ideya və ya biznes planların uğurlu və dinamik inkişaf edən şirkətlər kimi formalaşmasıdır. Baxmayaraq ki, təcrübə innovasiyaların mühərriki olsa da, biz hesab edirik ki, əlaqələr və əməkdaşlıq bu mühərrikin yanacağıdır. Bizim niyyətimiz oxşar məqsədlərə, həyati prinsiplərinə və dəyərlərə sahib olan insanları bir arada toplamaqdır. Şəffaflıq, sosial dəstək, əlaqələr və innovasiyaların qarşılıqlı müzakirəsi QAZAN-ın əsas xidmət növləridir . QAZAN sizin uğurunuz üçün yaradılıb.
İnkubasiya prosesi seçmə mərhələsi ilə başlayır. İnkubasiya prosesinə başlamaq üçün iştirak etmək istəyən şəxslər ilkin olaraq müraciət formasını doldurmalıdırlar. Müraciət forması seçim mərhələsini asanlaşdırmaq üçün yaradılmışdır. İştirak etmək istəyən şəxslər müraciət formasını sosial mediyadan və yaxud IMIC-nin rəsmi internet səhifəsindən əldə edə bilərlər. Müraciət formasında iştirakçılar ideya və yaxud mövcud biznesləri haqqında məlumatları doldururlar. Bizim müraciət formasının yaradılmasında niyyətimiz layihə barədə ətraflı məlumatı əldə etmək və layihəni rasional şəkildə qiymətləndirməkdir.
Seçilmiş namizədlər layihələrini investisiya komitəsinə təqdim edəcəkdir. Təqdimat sonrası investisiya komitəsi layihənin gələcəkdəki fəaliyyəti barədə qiymətləndirməni aparacaqdır. Qazan , IMIC və seçilmiş layihə sahibləri arasında əməkdaşlıq və qarşılıqlı əlaqə şərtlərini əks etdirən müqavilələrin işlənib hazırlanması ilə məşğul olacaq. Bu müqavilələrə məxfilik, müəllif hüquqları qorunması barədə razılaşma və digər rəsmi sənədlər aiddir. Qeyd olunan sənədlər onu təsdiqləyir ki, layihə barədə məlumat layihə əvvəli və ya sonunda hərhansı üçüncü şəxslərə verilməyəcəkdir. Bundan əlavə isə layihə sahibinə məxsus müəllif hüquqları müvafiq qanunvericiliyinə uyğun olaraq qorunması da bu razılaşmada qeyd olunacaqdır.
Qazan layihəsinin məqsədi ideya və ya gənc sahibkarların qısa müddətdə uğur qazanmaqlarına nail olmaqdır. Biz startaplar üçün insan və maliyyə resurslarını əldə etmək üçün imkan yaradırıq. Qazan təsisçilərə potensial müştərilərini daha yaxşı anlamaqda, aktivlərini sərfəli istifadə etməkdə və yarana biləcək problemləri əvvəlcədən müəyyənləşdirməyə yardım edir. Layihə sizin qarşınıza çıxacaq çətinlikləri həll etmək üçün öz təcrübəsindən, statistik məlumatlardan və əlaqələrindən effektiv şəkildə istifadə edərək, komandamızın tam dəstəyi ilə funksional bir şirkət yaratmaqda faydalı olacaq. Ofis sahəsi ilə birlikdə layihəmiz ideya və ya gənc sahibkarların gələcək fəaliyyəti üçün biznes konsultasiya, effektiv biznes planların hazırlanması, biznes əlaqələrin yaradılması, məhsul və xidmətlərin inkişafı məsələlərində dəstək göstərir. QAZAN və idea sahibləri arasında sıx əməkdaşlıq quraraq qarşıya qoyulan hədəflərə çatmaq üçün innovativ həllərdən istifadə etməyi hədəfləyir. Layihənin maliyyə modelini hazırlamaq və sürətləndirmə prosesi zamanı investisiyaların cəlb olunması bu mərhələdə ən vacib məqamdır. Sadaladıqlarımız və digər önəmli məqamlar öz növbəsində bizim tərəfdaşlarımıza daha güvənli və dəqiq biznes marşrutun qurulamasına şərait yaradır.
Tamamlama mərhələsində inkubasiya prosesi başa çatır və layihə Azərbaycan Respublikasının qanunvericiliyinə uyğun müstəqil şirkət kimi qeydiyyatdan keçir. Ardıcıl olaraq Qazan yeni yaradılmış şirkətin təklif etdiyi məhsul və xidmətlərin bazar təlabatlarına uyğunlaşdırılma prosesinə başlayır. Tərəfdaşlarımız arasında qarşılıqlı rəylər və əlaqələr münbit biznes şəraitin yaranmasına tövhə verəcəkdir.
Layihələr şirkət kimi formalaşdıqdan sonra onun Qazan ilə münasibətləri daha da güclənir. Məzun proqramının əsas məqsədi ideya və ya gənc sahibkarlara Qazan məzun şəbəkəsi vasitəsi ilə müstəqil şirkətlərə çevrilməsi üçün dəstək olmaqdır. Məzun proqramının üzvləri startaplarla və ya ideya sahibləri ilə öz təcrübələrini paylaşmalıdırlar. Məzun proqramının missiyası yeni üzvləri motivasiya etmək, onların ideyalarını təkmilləşdirmək və gələcək fəaliyyətlərində yardımcı olmaqdır.
1) Müraciət formasını yükləyin.
2) Müraciət formasına bütün zəruri məlumatları daxil edin.
3) Müraciət formasınını tam doldurduqdan sonra "Upload" bölməsinə yükləyin.
4) Layihə ilə bağlı hərhansı əlavə sənəd, məlumat mövcuddursa onlarıda"Upload" bölməsinə yükləyin.
5) Bütün sənədlər bizə təqdim edildikdən sonra komandamız sizinlə əlaqə saxlayacaq.
Uğurlar!
Müraciət Formasını yükləyin.